نفسي أفهم كيف بيفكروا .. على شو بيشتغلوا ؟؟ و السؤال الذي يطرح نفسه.. شو عم يستنوا ؟؟ فعلا إشي بيجلط و بينرفز و بيرفع الضغط .. وزير التربية و التعليم أعلن عن تعطيل المدارس الحكومية و الخاصه بكرا مشان الطقس .. على رااااسي و الله إنو على راااسي,لأنو نحنا و مدارسنا و شوارعنا مش مهيئه لهيك طقس ... بس الدور و الباقي على رؤساء الجامعات .. لسه ما حدا فيهم صرّح بإشي .. في منهم بحكي إنو ما في تعليق للجامعة و إنو الطلاب الذين لن يتمكنوا من الحضور معذورين ... شو هالمنطق !! مفروض على الأقل الجامعات الموجودة بس بعمان تعلن قرار موحد .. مش جامعه أه و جامعة الله أعلم... بس لو يفكروا في الطلاب يلي بيجوا بالباصات من مناطق بعيده و البهدله في الطرق ... أنا منّي و عليّ مش طالعه على الجامعه.. أصلا دوامي طويل بكرا و عندي ساعه فراغ و لما أروح ما بلاقي تكاسي .. يعني باختصار أخدت قراري مش مداومه غدا .. وشكرا
وزير التربية والتعليم يعلق الدراسة في كافة مدارس المملكة غداً ورؤساء الجامعات يربطونها بمستجدات الطقس والمعاني يناشدهم البت سريعاً .. للمزيد
Posts
3 comments:
لا تروحي
نص الطلاب ما راح يجيو ونص الدكاتره ما راح يجو
لا تروحي
انا شخصيا ازا صحيت بكره الصبح و لقيت فتفوته تلج مرميه على طرف الشارع مش رايحه عالشغل
يا رب تتلج.....يااااا رب
و هاد يلي صار !! ما داومت و لا على بالي .. مع إنو رئيس الجامعه الأردنيه أعلن إنو ما في تعليق للدوام .. و رئيس الجامعه التطبيقيه أعلن عن تعليق الدوام !! بتحسي إنو المسافه كتير فظيعه بين الجامعتين !!! يلا استمتعي بالأجواء وين ما تكوني :)
هاي المشكله
الكل حسب مزاج المسؤول بده يمشي
انا شخصيا صحيت الصبح ما لاقيت اشي ولا حتى مطر
بديت اجهز حالي للشغل اجت ماما بتحكيلي النيا بتتلج بره
الارض مي ولا اشي بمسك
بس فورا حكيت مع الشغل واخدت اجازه....في تلج يا جماعه :)
Post a Comment