بكرا بإذن الله انتخابات الجامعه الأردنيه..طبعا هاي أول مره رح أشوف فيها شو يعني انتخابات مجلس طلبه على مستوى جامعه,ومن بعد العيد انعجقت الجامعه و صور و بطاقات و دبكات و شعارات فتاكه صراحه إشي "بقشعر البدن" يعني بتحس رح تنقلب الجامعه و تصير جامعه خمس نجوم أو إنو مثلا يعني القدس رح تتحرر بكرا الصبح .... سيدي ما اختلفنا الله يقوي الشباب الطيبه
يلي عرفتو مؤخرا إنو ما بيصير أنتخب حد من خارج الكليه,طيب السؤال يلي بطرح نفسه كيف بالله بدي أعرف إنو هاد المرشح محترم و عندو مبادئ و رح يحسن الوضع؟؟؟ سؤال طرحته على أحد دكاترتي بالجامعه خلال "نقاش" داخل المحاضره عن الانتخابات , و إنو أنا المفروض روحت و سألت عن الشخص المرشح " إذا أنا مهتمه في الموضوع" طبعا لو أنا مش مهتمه كان ما كتيت عن هالشي, طيب سؤال يطرح نفسه مره ثانية أنا من بين خلينا نحكي فرضا 3 آلاف طالب معي بالكليه كيف بدي أعرف عن أفكار المرشحين؟؟؟ بقولك أحد الطلاب لأ في الطالب الفلان الفلاني حكى عن أفكاره... طيب متى كيف وين؟؟ برضو أنا اللازم أسأل و أهتم...... سؤال يطرح نفسه للمره الثالثه في حد عمره سمع بكلمة "تنظيم" ؟؟؟ أول شي لا في تنظيم في الشكل و لا في التحضير و الله أعلم بكره إذا رح يكون في نظام في الانتخابات أو لأ... انا كإنسانه بدي أنتخب مفروض الوضع يكون سهل عليّ مش العكس "هاد إذا جد بدكم انتخابات" أنا مش مضطره ألاحق بالمرشحين و اعوانهم مشان أعرف عن شو بفكروا..يمكن صعب تجمع كل البني أدمين في الكليه مشان تحكي معهم بس في أساليب و لا الشغله على الإسم و الأصل.. يعني القصد ممكن توزع أوراق بتحكي عن حملتك ممكن على لوحات الإعلان تنزل عليهم..و أفكار تانيه يمكن أبسط من هيك ممكن تساعد و تخلي الناس المش مهتمه تهتم . يعني متلي سنه أولى لسه ما عندي هل المعرفه الكتيره بالجامعه شو أعمل؟؟؟؟ غريبين نحنا فعلا
صراحه و للأسف ما عندي أي فكره عن أي مرشح و بالتاي ما رح أنتخب ولا حدا.. و هاي مشكلة التنظيم و المرشح و حملته و مش مشكلتي... ليش إنت أحسن من أوباما و ماكين؟؟؟ انبرى لسانهم و هم يحكوا و ما ضل إعلان و نزلوا و ما خلوا وسيله و عملوها مشا يوصلوا للشعب و وصلت الشغله للعالم كله !!! يعني مش معجزه الشغله بس ليش هالحكي صار... لأنه كان في تنظيم..هاد من وجهة نظري و رأي و اللي صار معي
طبعا ناس بتقولك داوم و ناس بتقولك ما تداوم و محاضرات ملغيه و محاضرات لأ.. و في ناس بتقولك ما تداوم و الله لتقوم القيامه في الحامعه و طوش و الشغله فيها دم .. و في بقولك إنو كله إشاعات و ما في منه هالحكي . .مني و علي رح أداوم بس مشان أشوف شو رح يصير و ما رح أنتخب و إن شاء الله خير
هاي اسمها دبكه للناس يلي ما بتعرفها 
Posts
No comments:
Post a Comment