Tuesday 6 January 2009

حلل و ناقش

من أسبوع يمكن ما كتبت ولا شي و هاد نظرا لعدة أسباب منها أخبار غزه يلي كل 5 دقايق فيها إشي جديد و طبعا امتحانات النهائيه يلي ما
بعرف من وين طلعتلي بالسحبه .. فالوضع هلأ متأزم و كالعاده من الآخر

بالنسبه للوضع في غزه و كما ذكرت سابقا فالوضع عم يتأزم أكثر و المعاناة عم بتزيد كل ساعه مع بدأ لاعمليه البريه و كل ساعه فيها شهداء و جرحى .. و المستشفيات مش ملحقه تستقبل جرحى عدا إنو المعدات الطبيه تقريبا خلصت و في منها وقف عن العمل لأنو ما في قطع غيار للأجهزه و مثال على ذلك أجهزة القسطره و غسل الكلى !! و غير إنو سمعت على التلفزيون إنو الإصابات كثير صعبه و غريبه بالنسبه للأطباء و صعب التعامل معها و غير أنو المعابر لسه مغلقه يعني لا مساعداتنا الإنسانيه و الطبيه وصلت.. ولا مصارينا و التبرعات من الشعوب و صلت ..أه طيب و شو الفايده..أصلا هدال اليوم عم بفكر إنو فالنفرض إنو وصلتهم المصاري (محرزات على فكره) إنو شو راح يستفيدوا منهم أهل غزه..شو بدهم يشتروا فيها ؟؟؟ سؤال حلل و ناقش
كمان شغله غريبه إنو في الجامعه ممنوع تحكي بالسياسه..مش إنو ممنوع بمعنى ممنوع و لكن إحكي و شوف شو رح يصير فيك هيك القصد.. إذا كنت زلمه..كتير حكولي ‘إنو ما أتناقش مع الطلاب أو مع الدكاتره بمواضيع السياسه .. و كتير حكولي إنو في كتير طلاب بس شغلتهم إنهم ينقولوا حكي.. و من هل الحكي يلي كلنا منعرفوا .. فمابعرف شكلوا أيضا حلل و ناقش

شكلها مظاهرة المسجد الكالوتي في منطقة الرابيه رح تفوت التاريخ على قد ما انكتب عنها قصص و على قد ما اتكسر زجاج سيارات و بيوت.. و على قد ما في ناس انضربت بقصد أو بدون قصد.. و عن خيمة الإعتصام و الأمن يلي بعيد عنها مش أكثر من 30 متر.. وعن و عن و عن...برضوا حلل و ناقش
لازم أنهي الموضوع لأنو عندي أمتحان يوم السبت ما بعرف عنه غير إنو معي بالإمتحان 4 فصول !!!!! و الله و هلا

No comments: