طبعا العنوان مقتبس من صديقتي العزيزة يلي كل نهاية أسبوع لازم تتحفنا بعبارة : " جمعه مباركة" أنا أول مره سمعتها صرت أضحك,بس بعدين لما أخدت على الوضع عنجد حسيت إنها حلوه و معبّره كمان .
الحمد لله الجو رائع كان اليوم .. استمتعنا بالشمسات على البرندات (عل القافيه) و بلشوا بنات عمّان يصيفوا (أهم أشي في كل الموضوع) كان يوم جمعة مختلف عن أيام الجُمَع التانيه,يعني بالعادة الواحد بيقوم على الـ 11, بيطب وجهه في صحن المسبحه و الفول و الفلافل,حمام يوم الجمعه المعهود,بتحضر الصلاة على التلفزيون أو بتروح عل الجامع, بتفتح باب البيت بتحمل الثلاث جرايد الوسيط,الممتاز, و أملاك, نفس الدعايات نفس أرقام مكاتب السمسرة للشقق .. بتقعدلك ساعة أو أقل على الأنترنت و يا دوب بدك تلحق الغدا .. كالعادة مقلوبة و على فكرة الحارة كلها بتكون عامله يا مقلوبة يا منسف.. بتتغدا من هون و بترجع تنام من هون .. بتقوم عل 6 أو 7 مستطّل مش شايف الفضا و بعدها ممكن تفكر بشو ممكن ضل تتعملوا , بس الحمد الله هالجمعه كانت خفيفة و لطيفه,يعني الواحد انبسط بهالأجواء طلع على محل,غّير جو يعني أشي و منو
يلا جمعة مباركه و استمتعوا بعطلة نهاية الأسبوع قبل ما يجي الدواااااام
Posts
2 comments:
جمعه مباركه علينا وعليكي يا رب
كأنك عايشه معنا!!!!
بتحسي كل الاردن نفس الجدول يوم الجمعه :)
بس انا ما نمت حضرت فيلم
Toys story
وكم من مسلسل كوميدي
صح عنجد بحس كل الناس عندها نفس الروتين يوم الجمعه !!!و الله يوم الجمعه بتتطلع عيني على إشي منيح أتابعه .. و ما بلاقي إشي فبلجأ لل dvd :)
Post a Comment