عجقه و قايمه

فهمنا إنو العيد قرّب, و الكل مبسوط و مش مصدقين حالنا على هل 10 أيام , و على فكره الكل بينق عليها من قبل شهر إذا مش أكثر و الله أعلم :), و عجقه و قايمه و يا مين شايف بتعرفوا العجقه من أساسيات العيد و هاد الشي يلي "بنبدع فيه".يلا خلي الناس تفرحلها شوي ما اختلفنا.... و يا سيدي كل عام و إنتو بخير و ينعادعليكم بالخير و الصحه و السلامه... قولوا آميييييين

و من كتر نق العالم و حكيهم انحسدت هل العطله,ما شاء الله راح أختم العلم في ال 10 أيام ,عندي امتحان بعد العيد مباشرة في مادة ديمقراطية و حقوق إنسان ,لا تعليق... المادة كتير فيها حكي و بدها شغل كتير كتير,وفي جزء أصلا ما بعرف عنه إشي,فالوضع من الآخر.. و لا تقعدوا تحكولي ليش ما بتدرسي المادة أول بأول.. لأني1) أنا بدرس أول بأول و لجميع المواد (يا عمي أنا مجتهده).... 2) هاي الماده بالتحديد جربت مره أدرسها دايما و ما زبطت معي الشغله..و لسه مادة الامتحان من بعد مادة الإمتحان الماضي لعند ما و صلنا.... يا ترى وين و صلنا؟؟؟؟ خلصنا الدوسيه !!!! يا سلاااااااااام !!!! جد إشي بيقهر و بيغيظ و بيفلق الحجر.. هاد غير إني لازم أدرس مواد ثانية مهمه و بتحكولي العطلة بتجنن و راح نرتاح فيها.. و لا دراسه و لا قرف.. لا وا ضح .. عيشوا العطلة لا تخلوها كلها للدراسه..إطلعوا و شموا الهوا لا تخلوا كل وقتكم دراسه..بس أنا بدي العلامة تكون 15/15 الإمتحان رح يكون كتير سهل ما بدو إشي (هيك هي بتحكي) أه طبعا شو ورانا نحنا.. و حتى لو ما ورانا إشي اسمو عيد , إفهموا يا بني أدمين إسمو عيد,يعني الواحد ممكن يفكر يسافر في هل 10 أيام على مكان ما, أو يمكن يروح على أماكن ما نقدرنا نروح عليها أيام الدوام..مثلا حابين نقضي الإجازة في ربع ما من ربوع الوطن .. يا سيدي بدنا نحرك سياحة البلد..بعدين ليش تتدخلوا و تخربوا العطله علينا .حبكت الإمتحانات على العيد و بالذات شهر 12 كله أعياد و إجازات..يعني بدل الواحد ما يرجع "فريش" على الجامعه و متحمس..لا بيرجع بنفسيه أسوأ .. و جد بحكي نحنا ما عم نقدر أهمية شو يعني عطلة و إنو إجازة و نستغلها..ما بحكي تقضوها نوم..بس لو أقله نزلت على العقبه ولا على البتراء أو أي محل في الأردن و قضيت فيه كم من يوم رح ترجع مبسوط و استفدت و غيرت جو و عرفت إشي جديد عن بلدك... لا بقولولك شو بدكم تضلوا تعملوا قاعدين بالبيوت و على النت.. ليش إنتو كيف حكمتوا على الموضوع أصلا؟؟..الحكي موجه بشكل عام لجميع البشر في العمليات التعليميه و مش بس للجامعه فقط

منّي و عليّ أنا قررت أن أستمتع بالإجازة قدر المستطاع..لأنه عيد و الناس رايحه جاي و السنه الماضيه ولاعيد كان زي الناس (توجيهي) و الدراسه ...هممم بيعين الله بدبريلها وقت بس ما اكون نسيت يلي حفظتوا مشان هيك رح أخليها لآخر إشي...أريد عطله فقط :)